ସ୍ୱାସ୍ଥ୍ୟ ପାଇଁ ବେଶ ହିତକର ପାନମଧୁରୀ
ସ୍ୱାସ୍ଥ୍ୟ ଟିପ୍ସ: ମାଉଥ ଫ୍ରେସନର ଏବଂ ମସଲାରେ ପାନ ମଧୁରୀ ବ୍ୟବହାର କରାଯାଇଥାଏ । ବ୍ୟଞ୍ଜନର ସ୍ୱାଦ ବଢାଇବାରେ ସାହାଯ୍ୟ କରେ ପାନମଧୁରୀ । ଆୟୂର୍ବେଦରେ ଏହାକୁ ଔଷଧ ରୂପେ ମଧ୍ୟ ବ୍ୟବହାର କରାଯାଏ ।
ଏଥିରେ କ୍ୟାଲସିୟମ, ପୋଟାସିୟମ, ଆଇରନ, ସୋଡିୟମ ଭଳି ପୋଷକ ତତ୍ୱ ଭରି ରହିଥାଏ । ସ୍ୱାସ୍ଥ୍ୟ ପାଇଁ ଏହା ବହୁତ୍ ଉପକାରୀ । ଅନେକ ରୋଗ ବେମାରୀରୁ ରକ୍ଷା କରିବାରେ ଏହା ସାହାଯ୍ୟ କରେ । ତେବେ ଆସନ୍ତୁ ଜାଣିବା ପାନମଧୁରୀ ପାଣି ସ୍ୱାସ୍ଥ୍ୟ ପାଇଁ କିପରି ଉପକାରୀ ।
ପାନମଧୁରୀରେ ଆଇରନ, ଭିଟାମିନ ଏବଂ ପୋଟାସିୟମର ଗୁଣ ଭରପୁର ରହିଥାଏ । ପାନମଧୁରୀ ପାଣି ମାସିକ ଋୁତୁସ୍ରାବ ଜନିତ ସମସ୍ୟାର ଦୂର କରିଥାଏ ।
ପ୍ରତିଦିନ ପାନମଧୁରୀ ପାଣି ସେବନ କରିବା ଦ୍ୱାରା , ଏହା ଆଖିକୁ ସୁସ୍ଥ ରଖିବାରେ ସାହାଯ୍ୟ କରେ । ଏହା ସହିତ ଆଖି ଜ୍ବଳନ ସମସ୍ୟାକୁ ମଧ୍ୟ ଦୂର କରିବାରେ ସହାୟକ ହୁଏ ।
ମୋଟାପଣ କମ୍ କରିବା ପାଇଁ, ପ୍ରତିଦିନ ସକାଳେ ଖାଲି ପେଟରେ ପାନମଧୁରୀରେ ପ୍ରସ୍ତୁତ ଚା’ ପିଇପାରିବେ । ଏହା ସେବନ କରିବା ଦ୍ୱାରା, ଓଜନ ହ୍ରାସ ହୋଇଥାଏ ।
ପାଚନ ସମସ୍ୟାର ସମ୍ମୁଖୀନ ହେଉଥିଲେ, ଏଥିପାଇଁ ସବୁଦିନ ସକାଳେ ଖାଲି ପେଟରେ ପାନମଧୁରୀ ପାଣି ସେବନ କରିବା ଲାଭଦାୟକ । ଏହା ବଦହଜମି ସମସ୍ୟା ଦୂର କରିବା ସହିତ, ପାଚନ ଶକ୍ତିକୁ ବଢାଇବାରେ ସହାୟକ ହୋଇଥାଏ ।
