ସ୍ମାର୍ଟ ସିଟିକୁ ଶତ ପ୍ରତିଶତ ଟୀକାକରଣରେ ସାମିଲ କରିବାକୁ ବିଏମସି ପକ୍ଷରୁ ଯୋଜନା

ଭୁବନେଶ୍ୱର: ସଂଜୀବନୀ ସାଜିଛି ଭ୍ୟାକ୍ସିନ । ଟିକାକରଣ ସମସ୍ୟାର ସମାଧାନ ସହିତ ସମସ୍ତଙ୍କୁ ଶତ ପ୍ରତିଶତ ଟୀକାକରଣରେ ସାମିଲ କରିବାକୁ ବିଏମସି ପକ୍ଷରୁ ଚାଲିଛି ଯୋଜନା । ୯ଲକ୍ଷ ୭ହଜାର ୧୯୪ଜଣଙ୍କୁ ଦୁଇଟି ଡୋଜ ହିସାବରେ ମୋଟ ୧୮ଲକ୍ଷ ୧୪ହଜାର ୩୮୮ ଡୋଜ ଟୀକା ଟାର୍ଗେଟ ରଖିଛି ବିଏମସି । ଭୁବନେଶ୍ୱରରେ କେବଳ ଦିଆଯାଉଛି କୋଭକ୍ସିନ ଟିକା । ମୋଟ ୬୧ଟି କେନ୍ଦ୍ରରେ ଦୈନିକ ୩୦ହଜାର ହିସାବରେ ଦିଆଯାଉଛି ଟିକା । ଏଥିରେ ସବୁ ବର୍ଗଙ୍କୁ ପ୍ରାଥମିକତା ଦିଆଯାଉଛି । ସିଧାସଳଖ ନିର୍ଦ୍ଧାରିତ କେନ୍ଦ୍ରରେ ଟିକା ଦିଆଯାଉଛି । ବର୍ତ୍ତମାନ ସୁଦ୍ଧା ୧୧ଲକ୍ଷ ୮୨ହଜାରରୁ ଅଧିକ ଡୋଜ ଦିଆସରିଛି । ଅବଶିଷ୍ଟ ଡୋଜ ୨୦ଦିନ ମଧ୍ୟରେ ଶେଷ କରିବାକୁ ଲକ୍ଷ୍ୟ ରଖିଛି ବିଏମସି।

ଭୁବନେଶ୍ୱରରେ ଟିକା ନେବାକୁ ଥିବା ବ୍ୟକ୍ତିଙ୍କ ମଧ୍ୟରେ ଅଧିକ ଯୁବବର୍ଗ ରହିଛନ୍ତି । ଅଧିକାଂଶ ବରିଷ୍ଠ ନାଗରିକ ତଥା ୪୫ବର୍ଷରୁ ଅଧିକ ଟୀକା ନେଇସାରିଛନ୍ତି । ରାଜଧାନୀରେ ମୋଟ ୬୧ଟି ସ୍ୱତନ୍ତ୍ର ଟୀକାକରଣ କେନ୍ଦ୍ର ଥିବା ବେଳେ ସେଥିରେ ପ୍ରାୟ ୫ଶହ କର୍ମଚାରୀ ନିୟୋଜିତ ଅଛନ୍ତି । ବର୍ତ୍ତମାନ ସୁଦ୍ଧା ହୋଇଥିବା ଟୀକାକରଣରେ ୭ଲକ୍ଷ ୪୨ହଜାର ୭୪୨ ଜଣ ପ୍ରଥମ ଡୋଜ ନେଇଥିବା ବେଳେ ୪ଲକ୍ଷ ୩୯ହଜାର ୩୪୦ଜଣ ଉଭୟ ଡୋଜ ନେଇସାରିଥିବା ଜଣାପଡିଛି।

୬୧ଟିକେନ୍ଦ୍ରରେ ୩୦ରୁ ୩୧ହଜାର ଡୋଜ ଟୀକା ଦିଆଯାଉଥିବା ବେଳେ ଧାର୍ଯ୍ୟ ଲକ୍ଷ୍ୟ ହାସଲ ପାଇଁ ବିଏମସି ପକ୍ଷରୁ ବସ୍ତି ଉପରେ ଗୁରୁତ୍ୱ ଦେଇ ମୋବିଲାଇଜେସନ ସେଣ୍ଟର ସଂଖ୍ୟା ବୃଦ୍ଧି କରିବାକୁ ଯୋଜନା ହୋଇଛି ।

The post ସ୍ମାର୍ଟ ସିଟିକୁ ଶତ ପ୍ରତିଶତ ଟୀକାକରଣରେ ସାମିଲ କରିବାକୁ ବିଏମସି ପକ୍ଷରୁ ଯୋଜନା appeared first on .

Please follow and like us:

Leave a Reply

Your email address will not be published.

Generated by Feedzy
error

Enjoy this news? Please spread the word :)

YouTube
YouTube
WhatsApp