ଟୋକିଓ ଅଲିମ୍ପିକ୍ସ ଅବଗଣନା: ଆଉ ୩୨ ଦିନ, ସଂକ୍ରମଣ ବଢ଼ିଲେ ବନ୍ଦଦ୍ବାର ଭିତରେ ଅଲିମ୍ପିକ୍ସ

ଟୋକିଓ ଅଲିମ୍ପିକ୍ସ ଅବଗଣନା: ଆଉ ୩୨ ଦିନ, ସଂକ୍ରମଣ ବଢ଼ିଲେ ବନ୍ଦଦ୍ବାର ଭିତରେ ଅଲିମ୍ପିକ୍ସ

ଟୋକିଓ: ଉଗାଣ୍ଡାର ଜଣେ ଖେଳାଳି କରୋନା ପଜିଟିଭ୍ ଥିବା ଜଣାପଡ଼ିବା ପରେ ଟୋକିଓ ଅଲିମ୍ପିକ୍ସ ଆୟୋଜନ ସମିତିର ଚିନ୍ତା ବଢ଼ିଛି। ଚାରିଆଡ଼ୁ ବିରୋଧ ସତ୍ତ୍ବେ ସୁରକ୍ଷିତ ଭାବେ ଅଲିମ୍ପିକ୍ସ ଆୟୋଜନ କରିବାର ଦମ୍ଭ ଭରିଥିବା ଆୟୋଜନ ସମିତି ଏବେ ପ୍ଲାନ୍ ବି’ପ୍ରସ୍ତୁତ କରିବାରେ ବ୍ୟସ୍ତ ରହିଛି। ଏପରିକି ଆବଶ୍ୟକ ହେଲେ ଅଲିମ୍ପିକ୍ସକୁ ବନ୍ଦ ଦ୍ବାର ଭିତରେ କରାଯିବ ବୋଲି ସୋମବାର ସଙ୍କେତ ଦେଇଛି। ଏଥିନେଇ ଚୂଡ଼ାନ୍ତ ନିଷ୍ପତ୍ତି ଅଲିମ୍ପିକ୍ସ ଆରମ୍ଭ ହେବାର ଗୋଟିଏ କିମ୍ବା ଦୁଇଟି ସପ୍ତାହ ପୂର୍ବରୁ ନିଆଯିବ।

ସମିତି ପୂର୍ବରୁ ବିଦେଶୀ ପ୍ରଶଂସକଙ୍କ ଆଗମନ ଉପରେ ବାସନ୍ଦାଦେଶ ଜାରି କରି ସାରିଛି। ସେହିଭଳି ଗୋଟିଏ ଦିନରେ ମାତ୍ର ୧୦,୦୦୦ ସ୍ଥାନୀୟ ଦର୍ଶକଙ୍କୁ ଅନୁମତି ଦିଆଯିବ ବୋଲି ଘୋଷଣା କରି ସାରିଛି। ଟୋକିଓରେ ସର୍ବସାଧାରଣ କାର୍ଯ୍ୟକ୍ରମ ଉପରେ ଜାରି ହୋଇଥିବା ଅଙ୍କୁଶ ଏବେବି ବଳବତ୍ତର ରହିଛି। ଆବଶ୍ୟକ ହେଲେ ବିନା ଦର୍ଶକରେ ଖେଳ ଆୟୋଜନ ହେବ ବୋଲି ବି ସମିତିର ଜଣେ ବରିଷ୍ଠ ସଦସ୍ୟ ନିଜ ପ୍ରତିକ୍ରିୟାରେ କହିଛନ୍ତି। ଜୁଲାଇ ୧୬ ତାରିଖରୁ ଆରମ୍ଭ ହେଉଥିବା ପାରାଲିମ୍ପିକ୍ସରେ ଦର୍ଶକଙ୍କ ଉପସ୍ଥିତ ଉପରେ ନିଷ୍ପତ୍ତି ଅଲିମ୍ପିକ୍ସ ଆରମ୍ଭ ହେବା ପରେ ଯାଇ ନିଆଯିବ। ସ୍ଥିତି ଭଲ ଥିଲେ ଅଲିମ୍ପିକ୍ସ ଶେଷ ଆଡ଼କୁ ଦର୍ଶକ ସଂଖ୍ୟା ବଢ଼ା ଯାଇପାରେ ବୋଲି ସେ କହିଛନ୍ତି। ଟୋକିଓ ସହରର କିଛି ସ୍ବାସ୍ଥ୍ୟ ବିଶେଷଜ୍ଞ ଅଲିମ୍ପିକ୍ସକୁ ବିନା ଦର୍ଶକରେ ଆୟୋଜନ କରିବାକୁ ସମିତିକୁ ପରାମର୍ଶ ଦେଇଛନ୍ତି।

The post ଟୋକିଓ ଅଲିମ୍ପିକ୍ସ ଅବଗଣନା: ଆଉ ୩୨ ଦିନ, ସଂକ୍ରମଣ ବଢ଼ିଲେ ବନ୍ଦଦ୍ବାର ଭିତରେ ଅଲିମ୍ପିକ୍ସ first appeared on Sambad.

Please follow and like us:

Leave a Reply

Your email address will not be published.

Generated by Feedzy
error

Enjoy this news? Please spread the word :)

YouTube
YouTube
WhatsApp