ଗାଜିଆବାଦ ବୃଦ୍ଧଙ୍କୁ ଆକ୍ରମଣ ଘଟଣା : ଟ୍ବିଟରକୁ ୨ୟ ନୋଟିସ ପଠାଇଲା ପୁଲିସ୍
ନୂଆଦିଲ୍ଲୀ : ଗାଜିଆବାଦ ମୁସଲିମ୍ ବୃଦ୍ଧଙ୍କ ଭାଇରାଲ ଭିଡିଓ ଘଟଣାରେ ଟ୍ୱିଟର ଇଣ୍ଡିଆକୁ ଦ୍ବିତୀୟ ନୋଟିସ ପଠାଇଛି ଉତ୍ତର ପ୍ରଦେଶ ପୁଲିସ । ଏହା ସହିତ ଟ୍ବିଟର ଇଣ୍ଡିଆ ଏମଡି ମନିଷ ମାହେଶ୍ୱରୀଙ୍କୁ ଆସନ୍ତା ଗୁରୁବାରଦିନ ହାଜର ହେବାକୁ କୁହାଯାଇଛି । ଯଦି ସେ ହାଜର ହେବାରେ ବିଫଳ ହୁଅନ୍ତି ତାଙ୍କ ବିରୁଦ୍ଧରେ ଆଇନଗତ କାର୍ଯ୍ୟାନୁଷ୍ଠାନ ନିଆଯିବ ବୋଲି ପୁଲିସ କହିଛି ।
ଗାଜିଆବାଦ ପୁଲିସ ପକ୍ଷରୁ ପୂର୍ବରୁ ଟ୍ହିଟରକୁ ଯେଉଁ ନୋଟିସ ପଠାଯାଇଥିଲା ତାହାର ଜବାବ ରଖି ଟ୍ୱିଟର ତରଫରୁ କୁହାଯାଇଥିଲା ଯେ, ପଚରା-ଉଚରା ପାଇଁ ମନିଷ ମାହେଶ୍ୱରୀ ପ୍ରସ୍ତୁତ ଅଛନ୍ତି । ଭିଡିଓ କନଫରେନ୍ସ ଜରିଆରେ ସେ ଉପଲବ୍ଧ ଅଛନ୍ତି ବୋଲି ଟ୍ୱିଟର ପକ୍ଷରୁ କୁହାଯାଇଥିଲା । ଯେଉଁଥିରେ ପୋଲିସ କ୍ଷୁବ୍ଧ ହେବା ସହ ମନିଷ ମାହେଶ୍ୱରୀଙ୍କୁ ଆଉ ଏକ ନୋଟିସ୍ ପଠାଇଥିଲା । ଗାଜିଆବାଦର ଲୋନି ଥାନାରେ ଟ୍ୱିଟର ଇଣ୍ଡିଆ ବିରୋଧରେ ଅନେକ ମାମଲା ରୁଜୁ ହୋଇଛି ।
The post ଗାଜିଆବାଦ ବୃଦ୍ଧଙ୍କୁ ଆକ୍ରମଣ ଘଟଣା : ଟ୍ବିଟରକୁ ୨ୟ ନୋଟିସ ପଠାଇଲା ପୁଲିସ୍ first appeared on Sambad.
